بعض النصائح للمصورين لتصوير حفل مرور خمسين عام على الدستور



خاص للمصورين:-
-إختيار موقع مناسب للتصوير!
-التأكد من وجود كل من:-

  ١-الكامرة
  ٢- الترايبود
  ٣- الريموت "الكيبل رليس"
  ٤- شحن البطاريات
  ٥-الميموري كارد

اختيار العدسات يعتمد على المكان اللي بتصور منه!
واغلب التصوير يحتاج عدسة وايد انقل!

من أفضل الاعدادات لتصوير الالعاب النارية:-

اهو اختيار نظام البلب موود Bulb واختيار فتحت عدسة ضيقة من ٨ الى ١٦ على حسب إضاءة المواضيع وتجريب الاكسبوجر قبل بدأ العرض بدقائق وعادة ما يكون الايزو اقل ما يمكن ولا يزيد عن ال٢٠٠ بسبب قوة إضاءة الالعاب النارية وبالرموت كنترول تضغط على الشتر عند بداية صعود الالعاب النارية وحتى تنفجر! وحاول انك ما اتطول فيها عشان لا تدخل صعادية بالثانية ويصير تشويش بالصورة راح تكون تقريباً اربع ثواني الى ١٠ بالكثير او ممكن تكون ثانية.

المواضيع كثيرة ومتنوعه من الجزيرة الخضرة لغاية ابراج الكويت ممكن تاخذ معلم من معالم الكويت مثل الابراج وغيره تاخذ الناس والاطفال سلووت او موشن عندك ساعه وثلث تسوي فيها اللي تبيه.

شدو حيلكم وتعالوا مبجر